A túa risa por unha causa solidaria!

Seguro que recordades o éxito que tivo a gala de cómicos que se realizou o ano pasado por Haití... porque seguro que estabades alí, non? :)

Pois temos unha boa nova tanto para os que estivestedes como para os que non: o sábado 5 de febreiro tedes outra oportunidade de ver aos cómicos galegos! esta vez, xúntanse por outra causa solidaria: a seguridade alimentaria dos pequenos campesinos e campesinas de Tanzania, onde Intermón Oxfam desenvolve proxectos que impulsan a capacidade produtiva das familias.

Danny Boy-Rivera, David Amor, Gari, Isabel Risco, Marta Lado, Oswaldo Digón e Rober Bodegas, presentados por Belén Regueira, serán os cómicos que nos fagan disfrutar doutra noite única, na que a risa e o bo humor serán os protagonistas. E outro personaxe que coñecedes tamén subirá ao escenario: o propio Robin Hood, que pedirá a colaboración de todos vos para a campaña de movilización social "Que non paguen os de sempre".

Cando cheguedes ao pazo da Ópera, ademais, poderedes ver a exposición fotográfica sobre o proxecto de Tanzania e, por suposto, poderedes adquirir productos de Comercio Xusto no noso stand.

Non vos quededes sin a vosa entrada!

Data e hora:sábado, 5 de febreiro, ás 19:30 h.

Lugar: pazo da Ópera. A Coruña

Entradas en: Quiosco da Pr. de Ourense

http://www.servinova.es/

902 504 500

Día da gala, en taquilla

10 euros