Robin Hood por un día

Despois do respiriño que nos tomamos durante as festas, voltamos para contarvos as novidades que trae o 2011. Pero primeiro, queremos compartir con vos o éxito que tivo a campaña Robin Hood na San Silvestre do día 31 de decembro do ano pasado :)

Nos días previos á carreira, e coa colaboración do Club Rialto e o concello de A Coruña, puidemos falar con máis de 200 persoas que ían participar na San Silvestre. Proporcionámoslles información sobre a campaña, e animámolos a que correran co gorriño e contradorsal de Robin Hood. O día da carreira repartimos un total de 230 gorros! E moitos dos corredores chegaron á meta con el posto. 

Foi unha moi boa maneira de difundila mensaxe da campaña e lembrar a todos que hai outros xeitos de loitar contra a crise, evitando agravar a situación das persoas que peor o están pasando.

Deixámosvos un par de fotos da carreira :) Pero podedes ver máis no noso Facebook! Moitas grazas a todos! 

Para que non paguen os de sempre... corre!

Como xa sabedes, mañá día 31 de decembro terá lugar a San Silvestre da Coruña, e finalmente a organización colabora con nós para que os corredores que o desexedes poidades mostrar o voso apoio á nosa campaña Robin Hood! :)

Na carreira veredes un stand noso, e alí será onde poidades recoller o gorro de Robin Hood. Si recolledes tamén o dorsal, previamente, darásevos máis información sobre esta campaña que propón a creación dunha taxa internacional sobre transaccións financeiras.

Noutras cidades, Robin Hood xa estivo presente nas carreiras. A idea é que contribuamos a crear esta voz universal para que os políticos nos metan nas súas axendas.

 

Animádevos! e acompañádenos correndo co gorriño de Robin Hood. Para que non paguen os de sempre!

Data: venres, 31 de decembro de 2010.
Hora: 17:00 h.
Lugar: saída da Praza de María Pita, A Coruña.
Distancia: 7.700 m aproximadamente.
Organiza: Clube Deportivo Rialto Coruña e Concello da Coruña.